ახალშობილებისთვის
1 წელი
1 წლის ასაკისთვის ბავშვმა უნდა შეძლოს:
- ჯდომა დამოუკიდებლად;
- ცოცვა მუხლებსა და ხელებზე დაყრდნობით და წამოდგომა;
- ნაბიჯების გადადგმა საყრდენის დახმარებით;
- სიტყვების, ბგერების მიბაძვის მცდელობა და მარტივ თხოვნაზე რეაგირება;
- თამაში და ტაშის დაკვრა, რომელიც სიამოვნებას ანიჭებს;
- ბგერების და ჟესტიკულაციის გამეორება ყურადღების მისაქცევად;
- ნივთების ხელში აღება ორი თითით (ცერა და საჩვენებელი თითებით);
- 1 წლის ბავშვი იწყებს ნივთების დაჭერას (მაგ: კოვზი და ფინჯანი) და ცდილობს, დამოუკიდებლად ჭამოს.
რჩევები მშობლებს და მომვლელებს:
- აჩვენეთ საგანი და წარმოთქვით მისი სახელი, ხშირად ესაუბრეთ და ეთამაშეთ ბავშვებს;
- თუ ბავშვი ნელი ტემპით ვითარდება ან ფიზიკური ნაკლი აქვს, ყურადღება გაამახვილეთ მის უნარ-ჩვევებზე და გააძლიერეთ მასზე ზრუნვა და მასთან ურთიერთობა;
- ხანგრძლივად ნუ დატოვებთ ბავშვს ერთ მდგომარეობაში;
- შეუქმენით ბავშვს უსაფრთხო გარემო უბედური შემთხვევების და ტრავმების თავიდან ასაცილებლად;
- გააგრძელეთ ძუძუთი კვება, იქონიეთ ბავშვისთვის საკმარისი და მრავალფეროვანი საკვები;
- დაეხმარეთ ბავშვს კოვზით ჭამაში;
- ჩაუტარეთ ბავშვს აცრების სრული კურსი და მიეცით ვიტამინების დანამატები ექიმის რეკომენდაციით.
საშიში ნიშნები, რომლებსაც ყურადღება უნდა მიექცეს:
- ბავშვი არ გამოთქვამს ბგერებს და არ რეაგირებს სხვების საუბარზე;
- გულგრილია გარემოს მიმართ და არ აქვს რეაქცია მომვლელის დანახვისას;
- არ აქვს მადა ან უარს ამბობს საჭმელზე.