• ორსულობა არ დგება 12 თვის განმავლობაში რეგულარული დაუცველი 
• სქესობრივი ცხოვრების მიუხედავად (35 წლის შემდეგ – 6 თვის განმავლობაში) განმეორებითი ორსულობის დანაკარგი ან თვითნებითი აბორტი 
• დიაგნოსტირებული ენდომეტრიოზი ან პოლიენდოკრინული მეტაბოლური საკვერცხეების სინდრომი (PMOS) 
• მუნსტრუალური ციკლის დარღვევა 
• სპერმოგრამის პათოლოგიური სურათი 
• საშვილოსნოს მილების დაზიანება ან გადატანილი ოპერაციები მცირე მენჯის ორგანოებზე

IVF შეიძლება რეკომენდებული იყოს ფალოპის მილების დაზიანების ან გაუვალობის, მამაკაცის ფაქტორის, ენდომეტრიოზის, ოვულაციის პრობლემების, ასაკთან დაკავშირებული ნაყოფიერების შემცირების ან აუხსნელი უნაყოფობის დროს. გადაწყვეტილება მიიღება წყვილის ინდივიდუალური შეფასების შემდე

წარმატების ალბათობა ყველა პაციენტისთვის ერთნაირი არ არის. მასზე მნიშვნელოვან გავლენას ახდენს ქალის ასაკი, საკვერცხის რეზერვი, უნაყოფობის მიზეზი, სპერმის მაჩვენებლები, მიღებული ემბრიონების რაოდენობა და ხარისხი და სხვა ინდივიდუალური ფაქტორები. ამიტომ წარმატების პერსონალური პროგნოზი უმჯობესია რეპროდუქტოლოგთან შეფასდეს.

ფერტილობის პრეზერვაცია გულისხმობს კვერცხუჯრედების, სპერმის ან ემბრიონების გაყინვას და შენახვას მომავალში ორსულობის დაგეგმვის მიზნით.

ზოგადად, რაც უფრო ახალგაზრდა ასაკში ხდება კვერცხუჯრედების გაყინვა, მით უკეთესია მათი მოსალოდნელი ხარისხი და მომავალში გამოყენების პოტენციალი. გადაწყვეტილება ინდივიდუალურია და ითვალისწინებს ასაკს, საკვერცხის რეზერვსა და რეპროდუქციულ გეგმებს.