გაგუას კლინიკა

ორ­სულ­თა გინ­გი­ვი­ტი

თუკი კბი­ლე­ბის გა­მო­ხეხ­ვის დროს ჯაგ­რის­ზე სის­ხლის წვე­თი გაჩ­ნდა ან კბი­ლის პას­ტის ქაფი მო­ვარ­დის­ფროდ შე­ი­ფე­რა, უნდა ვი­ფიქ­როთ, რომ ღრძი­ლე­ბი­დან სის­ხლდე­ნა და­ი­წყო. სტო­მა­ტო­ლო­გე­ბი ამას ორ­სულ­თა გინ­გი­ვიტს უწო­დე­ბენ. ეს  არ­ცთუ იშ­ვი­ა­თი პა­თო­ლო­გი­აა და, რო­გორც წესი, ორ­სუ­ლო­ბი­სას ქა­ლის ორ­გა­ნიზ­მში მიმ­დი­ნა­რე ჰორ­მო­ნუ­ლი ძვრე­ბი­თაა გან­პი­რო­ბე­ბუ­ლი.

ორსულთა გინგივიტის კლინიკური სურათი კბილის ნადებით გამოწვეული გინგივიტისას ჰგავს, თუმცა უფრო მცირე რაოდენობის ნადების ფონზე ვითარდება. ღრძილი შესაძლოა შეშუპდეს, მიიღოს მუქი წითელი ფერი, ბოლქვისებური გაუხდეს დვრილები.

ანთების ნიშნები, ღრძილის შეშუპება, სისხლდენა და ჰიპერემია (ღრძილების შეწითლება), ორსულობის მესამე ან მეოთხე თვიდან უფრო თვალსაჩინო ხდება, პიკს აღწევს მერვე თვეს, მეცხრე თვიდან კლებას იწყებს, მშობიარობიდან ერთი წლის შემდეგ კი ღრძილის მდგომარეობა ფიზიოლოგიურ ნორმას უბრუნდება.

რათა თა­ვი­დან აი­ცი­ლოთ ღრძი­ლებ­თან და­კავ­ში­რე­ბუ­ლი ყო­ველ­გვა­რი პრობ­ლე­მა, სა­ჭი­როა, პრო­ფი­ლაქ­ტი­კის მიზ­ნით სტო­მა­ტო­ლოგს ეწ­ვი­ოთ - იგი იო­ლად გა­გი­სუფ­თა­ვებთ პი­რის ღრუს კბი­ლის ნა­დე­ბის­გან, ე.წ. ქვე­ბის­გან, და არა­სა­სურ­ვე­ლი მიკ­რო­ბე­ბის­გან. შე­საძ­ლოა,                სის­ხლდე­ნის­გან, უბ­რა­ლოდ, ჯაგ­რი­სის გა­მოც­ვლა­მაც გიხ­სნათ.

პი­რის ღრუს, გან­სა­კუთ­რე­ბით კი ღრძი­ლე­ბის მო­სავ­ლე­ლად გა­მო­გად­გე­ბათ მცე­ნა­რე­უ­ლი სავ­ლე­ბი (გვი­რი­ლის, სალ­ბის,  კა­ლენ­დუ­ლას, მენ­თო­ლის). ისი­ნი სა­სარ­გებ­ლოა ნერ­წყვის გაძ­ლი­ე­რე­ბუ­ლი გა­მო­ყო­ფის დრო­საც, რაც ორ­სუ­ლო­ბი­სას არ­ცთუ იშ­ვი­ა­თია.