გაგუას კლინიკა

თქვენ 26 კვირის ორსული ხართ

26 კვირისთვის ნაყოფის სიგრძე აღწევს 35  სმ-ს და   952 გრ იწონის. ამ პერიოდისთვის, თქვენი პატარას სხეულის  2–3%  შედგება ცხიმისგან.  მუცლის სიდიდის ზრდა უფრო ინტენსიურია. საშვილოსნო ჭიპიდან 6 სმ-ით მაღლა მდებარეობს. გადიდებული საშვილოსნო აწვება  დიაფრაგმას და იწვევს დისკომფორტს. სუნთქვის გაძნელებას, უსიამოვნო შეგრძნებას გულის არეში.

თქვენი პატარას კუნთური ტონუსი თანდათანობით უმჯობესდება. ახლა უკვე მის ხელებს გარკვეული სიძლიერით შეუძლიათ მოჭერა.  ბავშვის ზრდასთან ერთად იზრდება მისი აქტიურობის დონეც, თქვენ შეიძლება ზოგჯერ  ძილი  შეგაწყვეტინოთ მისმა მოუსვენრობამ. დროდადრო თქვენ შეიძლება იგრძნოთ ტკივილი მენჯის არეში, რადგან იზრდება თქვენი საშვილოსნო და იჭიმება იოგები. ყველაზე ხშირად, ტკივილი იგრძნობა საზარდულის და  ბარძაყის არეში, განსაკუთრებით სიარულის ან ვარჯიშის შემდეგ. დასვენება მოგგვრით შვებას. 

თქვენი პატარას  ქუთუთოები იწყებენ ნაწილობრივ გახელას და დახუჭვას.